Zgjedhjet në Kosovë. Krerët fetarë bëjnë thirrje për qetësi e dinjitet.
(16.11.2007 RV)Ministrat e jashtëm të Bashkimit Evropian do të diskutojnë të
hënën rreth procesit të statusit të Kosovës, një ditë para takimit serbo-kosovar në
Bruksel. Sipas gazetës “Fajnenshëll Tajms”, Bashkimi Evropian po përgatitet të marrë
rolin udhëheqës në Kosovë pas 10 dhjetorit. Gazeta citon kryeministrin slloven, Janez
Jansha, i cili ka deklaruar se Brukseli do të mbështesë pavarësinë e mbikqyrur të
Kosovës, por me disa kufizime më të mëdha në krahasim me planin e Ahtisarit. Sllovenia
bëhet presidentja e radhës e Bashkimit Evropian që nga 1 janari 2008. E nesër,
në Kosovë zhvillohen zgjedhjet legjislative dhe administrative. Zyrtarët serbë nga
Kosova e Beogradi u kanë kërkuar serbëve të vendit të bojkotojnë procesin e votimit.
Ndërkaq, liderët fetarë të Kosovës kanë dalë me deklarata për zgjedhje dinjitoze e
u kanë bërë thirrje qytetarëve të kenë parasysh momentin historik. Të dëgjojmë informacionin
e Rabije Ibrajt nga Prishtina