(15.11.2007 RV)Përfundon sot në mesnatë dita e fundit e fushatës elektorale
për zgjedhjet e 17 nëntorit në Kosovë. Të shtunën, rreth 1 milion e gjysëm votues
do të zgjedhin parlamentin e ri, kryetarët e komunave dhe asambletë komunale. Për
zhvillimet e fundit dhe për klimën që ekziston në vend dy ditë para datës së caktuar,
të dëgjojmë informacionin e Rabije Ibrajt nga Prishtina Po afrohet dita
e bisedimit serbo-kosovar në Bruksel. Javës që vjen, Treshja e negociatorëve përgatitet
t’u propozojë palëve një tjetër mundësi, të ashtuquajturin “status neutral”. Ideja
është që palët të merren vesh për një bashkëpunim ndërmjet tyre dhe ta përcaktojnë
atë me norma e rregulla, pavarësisht se si do të jetë statusi i Kosovës në të ardhmen.
Si Beogradi, ashtu edhe Prishtina, për arësyet që dihen tashmë, janë shprehur kundër
propozimit.