(14.11.2007 RV) Martin Camaj ‘Krymbi i mëndafshit’ Fijet e bardha të mëndafshit
ndahen prej zemrës së krymbit që vdiq vetëm në pallatin mbas malit. Asht koha e korrjeve:
edhe ara xhveshet përpara dimnit plak….! Asht koha e pleqnimit më vete. Nuk janë
caqet që përcaktojnë kohën, por mosha e njeriut të urtë! Rëmimi fillon me nji gjalm
dy ngjyrash: bardh e zi. Dhe ankohet i urti: askush s’më ndihu të shoh me kohë fillimin
e sosjen e fijeve në gjalm e mbeta nën hijen e sendeve. Në vjeshtë kundrova besëlidhjen
mes jetës e vdekjes prej punëve të parëve të mij që ruenin petkat e mira për mort
e hynin në nji vorr brez mbas brezi: Eshtna ndër eshtna ndër shtresa petkash të leshta!