З Лондана прыйшла вестка аб заяве, якую зрабіў Мітрапаліт Пергамскі Ян(Зізіўлас)
з Канстантынопальскага Патрыярхата. Ён выказаў заклапочанасць падвышэннем нацыяналізма
ў праваслаўных Цэрквах.
Нацыяналізм ня ёсць часткаю гістарычнай структуры Праваслаўя. Распаўсюджанне нацыянал-ідэй,
на думку Мітрапаліта Іаана, ідзе пад ўплывам заходніх думак. Парадаксальна, але менавіта
ўступленне ў Еўрасаюз, у якім гэта ўжо выпрабавана і аджыла, небяспека зменьшана
на Балканах Але ў Расіі існуе вельмі сціслае супрацоўніцтва між Царквой і дзяржавай,
і ў гэтым - праблема. На думку Мітрапаліта Іаана, нацыяналізм з'явіўся ў праваслаўнай
Царкве ў 19 стагоддзі, калі ў аўтакефальных цэрквах развілася паняцце нацыі і яно
сталася часткаю заходнега, галоўным чынам, менталітэту. У інтэрв'ю брытанскаму выданню
"Таблет" праваслаўны герарх падкрэсліў асаблівую заклапочанасць становішчам у Расіі.