У Iталiю прывезены рэшткi св. Тэрэзы Немаўляткi Езуса. Каўчэг з рэліквіяй дастаўлены
ў Рым 9 лiстапада і выстаўляўся ў знакамiтай царкве Трiнiта–деi-Монтi i ў Папскiм
каллегiуме “Руссiкум”, дзе пры ягонай царкве св. Антонія пробашчам ёсць айцец Клаўдзі
- кіраўнік нашай беларускай праграмы RV. 14 лiстапада пад час агульнай аудыенцыi
Свяцейшага Айца святыня знаходзiлася на плошчы св.Пятра.
Рэшткi св. Тэрэзы з Лiзьё, вядомай як Тэрэза Немаўляткi Езуса (гады жыцця 1873 –
1897) , будуць знаходзiцца ў Iталii з 9-га лiстапада да 27 снежня, а ў Вечным горадзе
да 18 лiстапада. Іх выстаўляюць для пакланення не толькi ў касцёлах, але i ў Папскiм
францускiм калегiуме i Папскiм унiверсiтэте “Урбанiана” i нават у рымскай вязнiцы
“Рэджына Челлi”. Потым яны наведаюць шэраг iтальянскiх гарадоў, у тым лiку Неапаль
i шэраг iншых гарадоў, якiя знаходзяцца на поўднi Iталii. Пасля чаго рэшткi св. Тэрэзы
быдуць перавезены ў славуты горад Лорето, якi знаходзiцца на ўзбярэджы Адрыатыцкага
мора. З 25 да 27 лiстапада рэшткi святой будуць знаходзiцца ў iтальянскай вобласцi
Эмiлiя-Романiя i адтуль вернуцца ў кармелiцкi кляштар у францускi горад Лiзье, якi
знбаходзiцца ў Нармандыi. “Падарожжа” рэшткаў святой Тэрэзы Немаўляткi Езуса прымеркавана
да шэрагу гадавiнаў: 120-годдзя яе спаткання ў Iталii са Свяцейшым Айцом Львом XIII°,
у якога яна папрасiла аб тым, каб зрабiцца законнiцай, нягледзячы на свой узрост (у
той час ёй споўнiлася толькi 15 гадоў); 110 гадавiне смерцi св. Тэрэзы; 80 гадавiне
ўзняцця ўзгаданай святой да алтарнай хвалы Свяцейшым Айцомн Пiям XII° , якi зрабiў
пажадаў зрабiць яе нябеснай заступнiцай каталiцкiх мiсiянароў i, у рэшце, яна была
прызнана Настаўнiцай Царквы Свяцейшым Айцом Янам Паўлам II°. У 2006 годзе рэшткi
св.Тэрэзы ўжо былi в Iталii. Рака, у якой яны знаходзяцца, была створана ў 1927 годзе
бразiльскiм майстрам i важыць 135 кiлаграмаў.