Арцыбiскуп гiшпанскай сталiцы, кардынал Антонiо Марыя Руко Варэла, спадзяецца на
тое, што беатыфiкацыя 498 гiшпанских пакутнiкаў, якiя загiнулi пад час Грамадзянскай
вайны ў Гiшпанii 1936 – 1939 гадоў, прайшла б паспяхова. Беатыфiкацыя запланавана
на 28 кастрычнiка. Арганiзатары мяркуюць, што гэта цэрымонiя прынясе “патройны плён
святасцi, мiссыi i прымiрэння” Царкве ў Гiшпанii. Кардынал Варэла падкрэслiў,
што з агульнага лiка тых, хто будзе беатыфiкаваны, трое пакутнiкаў нардзiлiся ў Мадрыдзе,
232 – вучылiся ў Мадрыдзе, i 176 загiнулi ў гэтым горадзе. “Яны не маюць адказнасцi
за тое, што адбывалася ў Гiшпанii ў тыя гады, - сказаў кардынал. – Яны ахвяравалi
сваё жыццё Богу найбольш узвышаным чынам, i яны сведчылi аб сваёй веры сваiм катам”.
“Царква, - падкрэслiў монс. Варэла, - узнагароджвае нашых пакутнiкаў, якiя аддалi
ўласнае жыццё за Хрыста, за Царкву i за сваiх братоў”. Кардынал Варела таксама
прыпомнiў аб неабходнасцi для хрысцiянаў быць мiсiянарамi, бо гэта з’яўляецца “прамым,
абсалютным i сапраўдным” шляхам быць сведкамi Езуса. Каталiцкi дастойнiк заклiкаў
усiх вернiкаў ставiцца да гiшпанскiх новамучанiкаў, як да заступнiкаў працэса прымiрэння
ў Гiшпанii. Гэтыя пакутнiкi не памерлi за сацыяльныя, палiтычныя цi нейкiя чалавечыя
iнтэрэсы. “Яны прынялi смерць за Хрыста, але яны не былi ваяўнiчымi”, - сказаў арцыбiскуп
Мадрыда. “Яны толькi прамовiлi словы пакаяння, сапраўднага прымiрэння i мiра”.