OSBE-ja: partitë e Shqipërisë të dialogojnë për reformën në drejtësi
(24.10.2007 RV)Reforma e drejtësisë në Shqipëri ka tërhequr vëmendjen e OSBE-së.
Ambasadori i organizatës në Tiranë, Helmut Lohan u bëri thirrje sot partive politike,
që të gjejnë gjuhën e dialogut, aktualisht të kompromentuar për shkak të çështjes
“Sollaku”. Po nuk është vetëm drejtësia fusha me probleme që presin zgjidhje nga
politikanët shqiptarë. Edhe këtë vit, furnizimi me energji elektrike i popullsisë
varet nga dimri. Kulmi është se këtë deklaratë e bën vetë drejtori i KESH-it, Gjergj
Bojaxhiu, sipas të cilit do të importohet nga jashtë një sasi energjie më e madhe
se vitet e tjera. Gjynah që në programin e saj qeveria aktuale specifikon se furnizimi
i pandërprerë me energji do të sigurohet brenda vitit 2007, pra brenda këtij viti.