Прайшла канфярэнцыя з нагоды 50-гадовага юбiлея арганiзацыi "Хрысцiаянская Расiя".
Юбiлейная канфярэнцыя фонда “Хрысцiянская Расiя”, якi быў заснаваны ў Iталii 50 гадоў
таму, адкрылася 20 кастрычнiка ў гарадке Серыяте, непадалёк ад Бергамо. Заснаванне
фонда i ўся яго дзейнасць злучана з асобай каталiцкага святара Романо Скалфi, якi
разам са сваiмi супрацоўнiкамi i аднадумцамi прыняў удзел у канфярэнцыi. У царкоўна-грамадскiх
колах Iталii выяўлены вялiкi iнтэрэс - сваi прывiтаннi фонду даслалi: Старшыня Папскай
рады да спраў садзейнiчання хрысцiянскай еднасцi кардынал Вальтэр Каспер; кардынал
Теттаманцi, галава Мiланскай арцыдыяцэзii, а таксама Апостальскi нунцый у Расii арцыбiскуп
Антонiо Меннiнi. Тэма канфярэнцыi – “Фонд “Хрысцiянская Расiя” – заклiк да еднасцi.
1957 – 2007: 50 гадоў гiсторыi”. Арганiзатары не iмкнулiся чытаць даклады, у якiх
паведамляецца аб посьпехах фонда – галоўнай тэмай дыскусiй стала размова аб адзiнстве
Цэрквы, аб асобе хрысцьянiна, аб тым “скарбе адзiнства, розума i творчасцi, якiя дазволiлi
Расii i Еўропе пераадолiць таталiтарызм ХХ стагоддзя”, як было адзначана ў прэс-рэлiзе.
Вялiкую ўвагу ўдзельнiкi спаткання надалi пакутнiкам савецкiх часоў. Шэраг дакладаў
на канфярэнцыi быў прысвячаны тэме рэпрэсiй у СССР. Прадстаўнiк суполкi “Мемарыял”
сп. Арсенiй Рагiнскi заявiў, што сапраўдная памяць аб мiльёнах ахвяраў савецкага тэрора,
не будучы ў поўнi вывучанай у гады “перастройкi”, зараз адыходзiць на другi план.
У сёняшняй Расii, дзе дзяржава клапоцiцца аб пабудове так званай “мадэлi гераiчнай
iдэнтычнасцi” гiсторыi, памяць аб ахвярах не можа быць патрэбнай. Iтальянскую аўдыторыю
ўразiлi лiчбы: з 12, 5 млн ахвяраў дзяржаўнага тэрора з 1917 да 1953 гг. – вядомы
iмёны толькi 2,5 млн. Аўтар даклада таксама выказаў заклапочанасць з нагоды так званай
“вайны нацыянальных памяцей”, якая пачынаецца памiж рэспублiкамi былога СССР. Спадар
Рагiнскi лiчыць, што гэта праблема заслугоўвае асаблiвай увагi.