Në vitin 2008 në Japoni do të shpallen të lum 188 martirë.
(22.10.2007 RV)Konferenca Ipeshkvnore e Japonisë njoftoi se kremtimi për lumnimin
e 188 martirëve japonezë do të mbahet në Nagasaki më 24 nëntor 2008. Në këtë grup,
që njihet me emrin “Atë Pietro Kibe Kasui S.J. e 187 shokët e tij”, bëjnë pjesë priftërinj,
rregulltarë e laikë, të vrarë për fenë ndërmjet viteve 1603 e 1639. Jeta dhe vdekja
e Atë Kibes tashmë është bërë e njohur në mbarë Japoninë edhe përmes një drame rrënqethëse,
vepër e njërit nga shkrimtarët më të famshëm japonezë, Endo Shusaku. Ndër të lumët
e rinj spikasin edhe emrat e tre jezuitëve: etërve Julian Nakaura, Diogo Yuuki e vëllaut
Nikolao Keian Fukunaga. Sipas statistikave, numri i katolikëve japonezë aktualisht
është 452 mijë, 60% e të cilëve, gra. Ndërkaq në vend janë të pranishëm edhe 565 mijë
katolikë të huaj. Vitin e kaluar morën pagëzimin shtatëmijë vetë, gjysma e të cilëve,
në moshë të rritur. Deri në fund të vitit 2006, numri i meshtarëve në vend ishte 1.
500, ndërsa i rregulltareve, 6 mijë.