(19.10.2007 RV)E në sa ne po transmetojmë, në Teatrin Migjeni të Shkodrës përfundon
koncerti simfonik i organizuar me rastin e 4-vjetorit të Lumnimit të Nënë Terezës,
nën kujdesin e kryetarit të Bashkisë së qytetit, zotit Lorenc Luka. Koncerti u
ndoq nga artdashësit shkodranë të të tre besimeve, të cilët shprehën kështu nderimin
e thellë për figurën madhore të së Lumes, që i përket gjithë njerëzimit, pa kurrfarë
dallimi. Të pranishëm autoritete vendore e të ardhuara edhe nga kryeqyteti. Protagoniste
në Koncert, orkestra simfonike e Qytetit të Veriut nën drejtimin e Kujtim Alisë: në
krye të vendit në repertor “Ave Maria”.