Як мы паведамлялі, місію духоўнага наталення католікаў і ўздыму экуменічнага дыялогу
з братамі-праваслаўнымі мае выконваць ў Mаскве старшыня Папскай Рады "Сor unum (Адзіным
сэрцам)."
Арцыбіскуп Паўль Кордас правядзе ў часе свайго знаходжанне ў сталіцы Расіі канферэнцыю
па Энцыкліцы Папы Бенедыкта 16 "Deus caritas est- Бог ёсць любоў". Пройдзе яна ў
інфармацыйным Цэнтры каталіцкай Мітраполіі Расіі пры Маскоўскай катэдры. Канферэнцыя
мае тытул - "Адказы на выклікі часу" і будзе разглядаць розныя канцэпцыі служэння
дыяканаў у краінах Заходняй Еўропы, удзельнікі пагавораць аб супрацоўніцтве Царквы
з грамадствам наогул, аб праваслаўным поглядзе на маральныя прынцыпы эканомікі, аб
выкліках глабалізацыі і аб іншым у святле Энцыклікі. У рамках канфярэнцыі 19
кастрычніка адбудзецца пастырская сустрэча святароў і манахаў ды манашак цэнтральнага
і паўднёвага дэканатаў Арцыдыяцэзіі Божай Маці ў Маскве. У апошні раз будзе старшынстваваць
арцыбіскуп Тадэвуш Кандрусевіч, які такім чынам развітаецца з многімі сваімі паплечнікамі
па адраджэнню каталіцкай Царквы Расіі на мяжы тысячагоддзяў.