У Фларэнцыi пройдзе экуменiчнае спатканне моладзi.
21 кастрычнiка ў гэтым славутым iтальянскiм горадзе спаткаюцца прыкладна 2000 юнакоў
i дзяўчат з усёй вобласцi Таскана. Гэта будзе другая падобная сустрэча. Упершыню моладыя
хрысцiяне, гебрэi i мусульмане сустрэлiся ў Фларэнцыi ў 2005 годзе. Дэвiз спаткання:
“Жыццё разам робiцца больш прыгожым”. Арганiзавана сустрэча па iнiцыятыве Бiскупскай
канфярэнцыi Тасканы ў супрацоўнiцтве з гебрайскай i мусульманскай суполкамi, Эвангелiстскай
i Праваслаўнай Цэрквамi Тасканы i дабрачыннымi арганiзацыямi “Каталiцкае дзеянне”,
“Дапамога моладзi” i асацыяй хрысцiянска-гебрайскага сяброўства. Мэта спаткання
– наладзiць больш цесныя сувязi памiж асобамi, якiя належаць да розных культур i рэлiгiй.
Сустрэча пачнецца а 10 гадзiне ранiцы на плошчы “Santissima Annunziata”. Потым маладыя
людзi наведаюць мясцовую сiнагогу, мячэць, храм эвангелiстаў, рускую праваслаўную
царкву i каталiцкую базiлiку Святога Крыжа. Пасля абеда ўдзельнiкi спаткання пераедуць
у гарадок Фортецца да Бассано, дзе адбудзiцца iх спатканне з прадстаўнiкамi цывiльных
i рэлiгiйных уладаў. Плануецца, што маладыя людзi звернуцца да iх з адпаведным пасланнем.