Opozita në Shqipëri do të bojkotojë reformën e drejtësisë
(18.10.2007 RV)Kalojmë në Shqipëri, ku vazhdon kriza politike, pas kërkesës
për ngritjen e komisionit hetimor 2 ndaj kryeprokurorit Theodhori Sollaku. Partia
Socialiste paralajmëroi sot se do të tërhiqet nga reforma në drejtësi, nëse të djathtët
nuk heqin dorë nga shkelja e vazhdueshme e kushtetutës. “Nisma më e fundit antikushtetuese
e maxhorancës kuvendore, për të shkarkuar Prokurorin e Përgjithshëm, është dëshmi
e qartë e largimit të maxhorancës nga tryeza politike e reformës” deklaroi kryetari
i komisionit per Çështjet ligjore në Asamblenë Kombëtare, Ylli Manjani. Ndërkaq, krerët
kryesorë të shtetit shqiptar ndodhen jashtë vendit. Në rast rreziku, çdo gjë është
në dorën e zv.kryeministrit Gazmend Oketa.