Takimet e Gjeçovit 2007 në Zym të Hasit afër Prizereni e në Janjevë afër Prishtinës
(16.10.'07 RV)Të shtunën e kaluar, më 13 tetor, në Zym të Hasit afër Prizerenit
u mbajtën Takimet e Gjeçovit 2007. Ishin këto Takimet e 36-ta me radhë, ku si çdo
vit qindra e qindra njerëz vijnë nga të gjitha anët e Kosovës për të kujtuar figurën
e madhe të këtij kolosi. Këto takime janë edhe me të bukura sepse janë vërtetë takime
të banorëve të Zymit më gurbetçarët dhe me njerëzit e tjerë të ardhur enkas për ketë
punë, që të mblidhen nën hijen e figurës së Atë Shtjefnit. Mysafirët ishin të
shumtë, figura të njohura të politikës, artit e të kulturës, e në veçanti dashamirës
të shumtë të fjalës së shkruar. Pas përshëndetjeve u mbajt Ora e Anton Pashkut,
ku u lexuan poezi nga më të ndryshmet të poetëve tanë të mirënjohur. Po këtu u zbulua
lapidari i Abetares së Zymit, këtij dokumenti të gjallë të shkruar në Zym në vitin
1900. Edhe Shoqëria kulturore artistike Katarina Josipi ishte si gjithmonë e gatshme
të japë një program të shkëlqyeshëm me vallet karakteristike të Hasit. Kah mbarimi
të gjithë të pranishmit shkuan te shtatorja e Nënë Terezës dhe vuan lule të freskëta.
Po më hollësisht nga Prishtina na njofton Rabie Ibraj...