Kryeipeshkvi Paul Kordes në Rusi: të enjten do të takohet me Aleksejn II.
(15.10.2007 RV)Është një etapë me rëndësi e misionit të Këshillit Papnor “Cor
Unum” udhëtimi i kryetarit të këtij dikasteri, kryeipeshkvit Paul Jozef Kordes, kryetar
i Këshillit papnor Cor Unum, në Federatën ruse e pikërisht, në Novosibirsk, kryeqytet
i zonës siberiane ku do të qëndrojë deri më 17 tetor. Do të vizitojë, posaçërisht,
shkollën françeskane dhe motrat e Nënë Terezës në këtë zonë, ku Kisha është shumë
e vlerësuar për veprimtaritë e përditshme të bamirësisë. Të enjten, më 18 tetor,
parashikohet takimi me Patrikun Aleksej II në Moskë. Nga 18 deri më 21 tetor, prelati
do të takohet me ipeshkvijtë dhe vullnetarët e Karitasit rus. Ky takim i fundit është
posaçërisht domethënës, sepse zhvillohet një vit e gjysëm pas daljes të Enciklikës
së Benediktit XVI ‘Deus Caritas est” – ‘Zoti është dashuri’. Do të jetë një
çast i rëndësishëm për të vërtetuar sa e si ka ndikuar enciklika në impenjimin bamirës
në këtë vend të pafundmë.