Архіярэйскай Боскай Літургіяй завершыўся Сынод Украінскай грэкакаталіцкай Царквы
ў Вашынгтоне, у царкве Найсвяцейшай сям'і. Удзельнікі сабраліся ў ЗША дзеля прысуджэння
Патрыярху Любаміру звання ганаровага доктара каталіцкага Пенсільванскага універсітэта.
Падчас Літургіі Вярхоўны Арцыбіскуп УГКЦ, Патрыярх Любамір Гузар звярнуўся з прамовай.
Ён выказаў падзяку найперш вернікам за духоўную і малітоўную падтрымку працаў Сыноду.
патрыярх прыклікаў усіх задумацца над прыарытэтамі жыцця, каб не забываліся, што адзінай
крыніцаю праўдаў і ўзорам для усіх хрысціянаў ёсць Езус Хрыстус... патрыярх Любамір
адзначыў, што Сынод існуе для Царквы, менавіта, каб тыя ўладыкі, якім даручана кіраўніцтва
Царквой спазнавалі, у натхненні духа святога, Божую волю для таго народа, які ім даручаны."Без
нястомнай малітвы гэта немагчыма"- падкрэсліў Вярхоўны Арцыбіскуп. На Літургіі прысутнічалі
украінцы з цэлага свету, прадстаўнікі украінскіх, амерыканскіх-канадскіх грамадскіх
і культурных арганізацый, журналісты СМІ Украіны і Амерыкі, навучэнцы семінарыі св.
Язафата Кунцэвіча ў Вашынгтоне. Пасля адбылася прэсканферэнцыя пры ўдзеле галавы
УГКЦ і святароў Царквы.