Каталiцкi арцыбiскуп Парыжа Андрэ Вен-Труа заявiў аб гатоўнасцi вернiкаў Францыi
знаёмiцца з традыцыямi праваслаў’я, якiя тычацца не толькi мiнулых стагоддзяў, але
i сучаснасцi. “Мы, католiкi, упэўнены, што многаму навучымся i многае атрымаем
з вопыта Праваслаўных Цэркваў. Мяркую, што наш уласны вопыт жывой веры ў абсалютна
iншым кантэксте таксама можа быць карысным для вас”, - заявiў арцыбiскуп пад час спаткання
з Патрыярхам Маскоўскiм i ўсёй Русi Алексiям II° у славутым саборы Парыжскай Мацi
Божай. Размова арцыбiскупа Вен-Труа з Патрыярхам адбылася пасля праваслаўнага
малебна перад Цярновым вянцом Езуса Хрыста, якi захоўваецца ў саборы. Парыжскi
арцыбiскуп зазначыў, што католiкi Францыi з вялiкай увагай сочаць за аднаўленнем Праваслаўнай
Царквы ў Расii i дзякуюць Бога за той плён, якi прыносiць гэта адраджэнне, асаблiва
ў такiх галiнах, як адраджэнне прыхадскога i манастырскага жыцця, а таксама сацыяльнага
царкоўнага служэння. “У нас з вамi розныя традыцыi i розныя сацыяльна-культурныя
кантэксты, але гэтыя адрознiваннi не толькi не перашкаджаюць, але i спрыяюць развiццю
абменаў дарамi Божага Провiду. Гэта, у прыватнасцi, адбываецца дзякуючы рускiм богасловам-эмiгрантам”,
- сказаў арцыбiскуп Вен-Труа. У сваю чаргу, Алексiй II° падзякаваў яго за магчымасць
ушанаваць вялiкую святыню i за тое, што праваслаўныя хрысцiяне маюць мазчымасць малiцца
перад ёй i адпраўляць Богаслужбы. “Мы гатовы падзялiцца вопытам, якi атрымалi
ў гады пераследаванняў, i ў больш спакойныя часы”, - сказаў галава Рускай Праваслаўнай
Царквы. На прыканцы спаткання Патрыярх падарыў сабору iкону Мацi Божай.