Afrohen zgjedhjet në Kosovë, por asgjë e re për statusin
(05.10.07 RV)Me ftesë të UNMIK-ut, Këshilli i Evropës ka formuar një mision
vëzhgues për zgjedhjet lokale dhe parlamentare, që do të mbahen më 17 nëntor në Kosovë.
Misionin do ta udhëheqë italiani Xhovani di Stazi, ish-kryetar i Kongresit të pushteteve
lokale dhe rajonale në Këshillin e Evropës.
Diplomatët e gjashtë shteteve
anëtare të Grupit të Kontaktit do të takohen më 15 tetor në Bruksel për të diskutuar
rreth çështjes së statusit të Kosovës. Takimi, që do të mbahet në nivel të drejtorëve
politikë për Ballkanin, organizohet një ditë pas ballafaqimit të dytë mes delegacioneve
të Kosovës dhe Serbisë, me ndërmjetësimin e Treshes ndërkombëtare, po në Bruksel.