Polemika në SHBA, pasi Bush mohoi mjekimin falas për 4 milion fëmijë
(04.10.07 RV)Polemika në SHBA pas vendimit të presidentit Bush për të hedhur
poshtë ligjin e miratuar nga Kongresi me konsensus bipartizan, i cili i jep shërbimin
shëndetësor falas edhe 4 milion fëmijëve në vështirësi, por jo aq të varfër sa 6 milion
e gjysëm që përfitojnë shërbimin falas sipas normativës së vjetër. Shpenzimi ishte
35 miliard dollarë, të cilët do të vjeleshin nga taksat për duhanin, por Bush, që
është gati të shpenzojë 700 miliard dollarë për luftën në Irak, u tregua i gatshëm
të japë për fëmijët vetëm 5 miliard dollarë më shumë. Vetoja e presidentit amerikan
mund të kapërcehete gjithsesi nga një votim tjetër në Kogres, për të cilin duhen dy
të tretat e votave.
Hapësira Shengen, në të cilën qytetarët mund të qarkullojnë
lirisht pa viza, shtrihet nga 21 dhjetori edhe në nëntë shtete të reja të Bashkimit
Evropian. Fjala është për Republikën Çeke, Estoninë, Hungarinë, Lituaninë, Letoninë,
Maltën, Poloninë, Sllovakinë dhe Slloveninë. Këto vende kanë hyrë në Bashkimin Evropian
në vitin 2004.