Dita Botërore për të moshuarit: të vlerësohet kontributi i tyre në shoqëri
(01.10.07 RV)Organizata Botërore e Shëndetësisë kremton sot Ditën botërore
për të moshuarit. Ndër temat e reflektimit, edhe mundësitë e reja që u ofrohen të
moshuarve. Në botën e arritjeve teknologjike, të moshuarit plaken më mirë, janë më
aktivë e kanë mundësi më të mëdha. Gjithsesi, mjekësia punon intensivisht për t’u
bërë ballë sëmundjeve të pleqërisë, në mënyrë që i moshuari të jetë i pavarur dhe
i aftë për të kryer një jetë normale, sa më shumë që të jetë e mundur. Mjekët këshillojnë
që të punohet më parë për vitet e pleqërisë, duke zhvilluar një jetë të rregullt.
Nga ana tjetër, shoqëria duhet t’u japë vendin që meritojnë të moshuarve, duke shfrytëzuar
përvojën e madhe që ata kanë, pa i flakur mënjanë si persona që tashmë nuk punojnë
më e prandaj nuk i duhen më.