(27.09.07 RV)Katër veprimtarë të Kryqit të Kyq ndërkombëtar, dy të huaj e dy
afganë janë rrëmbyer nga talebanët në Afganistan. Ata duhej të merrnin në dorëzim
pengun gjerman, që mbahet nga talebanët që nga korriku i këtij viti, por sipas lajmeve
konfuze janë rrëmbyer edhe ata vetë, më pas janë liruar sëbashku me pengun e sërish
janë rrëmbyer nga talebanët.
Ditë e përgjakur në Irak. Janë rreth 30, viktimat
e një atentati të dyfishtë në zonën shiite të Bagdadit. Edhe dje, një zinxhir atentatesh
vranë 59 vetë dhe plagosën 120 të tjerë. Ndërkaq, po përhapet frika nga një epidemi
kolere. Rastet e verifikuara deri tani arrijnë në 1.500, por sipas Organizatës Botërore
të Shëndetësisë duhet të jenë më shumë.