Агульная аўдыенцыя Папы у сераду 26-га верасьня

Адбылася яна на Плошчы Сьвятога Пятра. Бэнэдыкт 16 прыбыў на яе са сваей летняй рэзыдэнцыі ў Кастэльгандольфо блізка Рыму. Прысутнічала на ёй многа вернікаў і паломнікаў з кожнага кутку сьвету
У сваёй сёньняшняй катахэзе Папа вярнуўся да свайго ранейшага цыклу катахэзаў пра Настаўнікаў Царквы. Менавіта ўжо чарговы раз гаварыў пра Сьвятога Яна Хрызастома, Настаўніка Царквы.

У 397-м годзе Хрызастом стаў біскупам Канстантынопаля, сталіцы Рымскае Імпэрыі на Усходзе. Намагаўся зрэфармаваць жыцьцё Царквы ў духу ўбоства і салідарнасьці з найбяднейшымі.
Ягонае казаньне аб правіннасьці, якое было прынятае як абвінавачаньне імпэратрыцы Эўдокіі, сталася прычынаю перасьледаваньняў, якія з огляду на іншыя абвінавачваньні, для біскупа Хрызастома закончыліся выгнаньнем у Армэнію і сьмерцю ў 407-м годзе.
30-ць гадоў пазьней Сьвяты Хрызастом быў рэабілітаваны і ягоныя тленныя астанкі былі перавезеныя ў Рым і па сёньняшні дзень спачываюць у Капліцы Каноннікаў у Базыліцы Сьвятога Пятра. Частку мошчаў –сказаў на заканчэньне сваёй катахэзы Бэнэдыкт 16-- Ян Павал ІІ ахвяраваў у 2004-м годзе Канстантынопальскаму Патрыярху Барталамею І-му. Папа Ян 23-ці абвясьціў Сьвятога Яна Хрызастома Патронам Другога Ватыканскага Сабору.
На заканчэньне аўдыенцыі Сьвяцейшы Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.