Sipas UNICEF-it është në rënie vdekja e fëmijëve në botë.
(20.9.2007 RV)Për herë të parë nga 1990, numri i fëmijëve nën moshën pesëvjeçare
vdekur nga uria, luftërat dhe sëmundjet nëpër botë është nën 10 milionë. Në njoftimin
e dhënë nga UNICEF-i theksohet gjithashtu se sidoqoftë 9,7 milionë fëmijë të vdekur
në 2006 mbetet një fakt i papranueshëm. Zvogëlimi i vdekshmërisë foshnjore në dy të
tretat mbetet një nga objektivat e mijëvjeçarit. Një objektiv që siç na shpjegon në
mikrofon zëdhënësja e UNICEFit në Italia Donatella Lodi sot është më afër. Ta
dëgjojmë… Përgjigje: Është
një rezultat tepër i rëndësishëm sepse më në fund ka një ndryshim të prirjes në vdekshmërinë
foshnjore, pavarësisht nga pandemia e AIDS-it, e cila e kishte ndërlikuar shumë punën,
sidomos në Afrikën jugore ku kishte asgjësuar disa nga rezultatet më pozitive që ishin
arrirë vitet e kaluara. Është një shenjë e rëndësishme, kjo që, domethënë është e
mundur të arrihet pikësynimi i caktuar nga bashkësia ndërkombëtare te planet e zhvillimit
të mijëvjeçarit për të zvogëluar në dy të tretat vdekshmërinë foshnjore. Mund t’a
dalim mbanë nëse ruhet kjo prirje. Kjo do të thotë konkretisht se ka nevojë që ta
mbajmë lart vëmendjen, ta mbajmë lart financimin.
Pyetje: Cilët faktorë
kanë ndikuar kryesisht në rënien e vdekshmërisë foshnjore?
Pyetje: Rezultatet
më të mira janë korrur atje ku është punuar me një paketë bazë ndërhyrjesh: me vaksinime,
me shpërndarje vitamine A, me barnat kundër malarjes. Jo gjëra të jashtëzakonshme,
jo ndërhyrje teknikisht të ndërlikuara, por ndërhyrje të mundëshme e që duhet të bëhen
rregull e të zbatohen vend për vend e zonë për zonë.
Pyetje: Cilat janë
pengesat më të mëdha për t’a arritur këtë synim?
Përgjigje: Mungesa e vullnetit
politik dhe mungesa e fondeve. Tani në vitet e fundit ka patur një vëmendje më të
madhe edhe falë ndërhyrjeve të shkencëtarëve. U dhanë edhe disa fonde themelore që
u bënë të mundura në sajë të disa fondacioneve dhe nga disa qeveri, mbi të gjitha
nga Evropa veriore.