Izraeli: Gaza entitet armik. Hamasi: është deklaratë lufte
(19.09.2007 RV)Këshilli i Mbrojtjes i qeverisë izraelite e ka përkufizuar si
“entitet armik” regjimin fondamentalist palestinez të Hamasit në Rripin e Gazës. Shteti
hebraik do të ndërmarrë sanksione me karakter ekonomik ndaj zonës. E ashpër përgjigjia
e Hamasit. “Sanksionet – deklaroi një zëdhënës i lëvizjes ekstremiste – janë të barabarta
me deklaratën për luftë”. Në këtë klimë filloi sot misioni në Lindjen e Mesme për
sekretaren e shtetit amerikan, Kondolica Rajs. Vizita e saj, që fillon nga Izraeli,
është një hap tjetër drejt Konferencës së paqes që duhet të mbahet në nëntor.