У сваім пасланьні да іх удзельнікаў Бэнэдыкт 16 напісаў, “што тэалагічныя роздумы
маюць узмацаваць сапраўднае, хаця яшчэ недасканалае адзінства, якое існуе паміж католікамі
і праваслаўнымі”. Гэты сімрозыюм арганізуюць супольна Францішканьскі Інстытут Духоўнасьці
Папскага Унівэрсытэту “Антонянум” у Рыме ды праваслаўны тэалагічны факультэт Унівэрсытэту
ў Салоніках ( Грэцыя). Сімпозыюм адбываецца ад 1992-га году на перамен у Грэцыі і
ў Італіі. Гэтым разам адбываецца яно у днях 16-19 верасьня на грэцкім востраве Тінос,
дзе—як падкрэсьлівае Папа ў сваім пасланьні—праваслаўныя і католікі жывуць побач сябе
ў братэрстве. Далей Сьвяцейшы Айцец спасылаецца да тэмы цяперашняга сімпозыюма,
якім ёсьць “Сьвяты Ян Хрызастом, памостам паміж Усходам і Захадам”. Сёлета мінае
16-ць стагоддзяў ад яго сьмерці. Як вялікаму прапаведніку надана яму званьне “Златавусны”.
Ян Хрызастом за адвагу і вернасьць эвангэльскаму сьведчаньню быў перасьледаваны і
знайшоўся на выгнаньні. Ад 1626-га году ягонае цела спачывае ў рымскай Базыліцы Сьвятога
Пятра. 27-га лістапада 2004-га году Папа Ян Павал ІІ падарыў частку мошчаў Сьвятога
Яна Хрызастома Усяленьскаму Патрыярху Барталамею І-му. Дзякуючы гэтаму іх ушаноўваецца
адначасна ў Ватыкане ды ў Царкве Сьвятога Юрага на Фанары ў Істамбуле.