Greqi: Karamanlis fiton, por vetëm me dy vende më shumë
(17.09.2007 RV)I pati thirrur këto zgjedhje të parakohshme me qëllimin për
të fituar bindshëm e për të vazhduar pa probleme reformat e kërkuara nga Evropa, por
zjarret e verës që dogjën gjysmën e Greqisë, ia prishën festën kryeministrit të djathtë
Kostas Karamanlis. Partia e tij, Demokracia e Re, fitoi 41,8 % të votave, në rënie
në krahasim me votat e mëparshme, pavarësisht se konfirmohet si fitimtare e zgjedhjeve
të djeshme në Greqi. 38,1% të votave i morën socialistët e Pasokut, edhe ata në rënie.
Lideri socialist, George Papandreu dha dorëheqjen, duke pranuar përgjegjësinë personale
për humbjen. Votat e të pakënaqurve kanë shkuar në ekstreme. Kanë fituar më shumë
vota komunistët, e majta radikale dhe e djathta ekstreme. Fakti që ultranacionalistët
hyjnë në Parlament është një element shqetësues edhe para impenjimeve në Bashkimin
Evropian.