Новым галавой Румынскай Праваслаўнай Царквы абраны мiтрапалiт Малдовы i Букавiны
Данiiл. Такое рашэнне прыняла калегiя, якая складаецца з 180 епiскапаў, святароў
i свецкiх вернiкаў. Кандыдатура мiтрапалiта была прадстаўлена разам з двума iншымi
епiскапамi. Папярэднi румынскi Патрыярх, Феактыст, памёр 30 лiпеня 2007 года ва
ўзросце 92 гадоў. Новаабраны Патрыярх нарадзiўся 22 лiпеня 1951 года ў Румынii.
У 1970-1974 гадах вучыўся ў Багаслоўскiм iнстытуте ў Сiбiў, пасля быў накiраваны на
Тэалагiчны факультэт Страсбурскага унiверсiтэта, а потым на Тэалагiчны факультэт у
швейцарскiм горадзе Фрыбург. У 1979 годзе ён атрымаў званне доктара тэалогii Страсбурскага
унiверсiтэта, а ў 1980 годзе аналагiчнае званне ў Бухарэстскiм унiверсiтэте. У 1980-1988
гадах выкладаў у Экуменiчным iнстытуте горада Боссе (Швейцарыя), намеснiкам дырэктара
якога ён быў з 1986 да 1988 года. У перыяд з 1988 да 1990 гадоў служыў у якасцi раднiка
Патрыярха Румынскай Праваслаўнай Царквы па пытаннях экуменiзма. 4 сакавiка 1990
года стаў вiкарным епiскапам Тiмiшаара, а праз хуткi час быў назначаны архiепiскапам
Ясскiм, мiтрапалiтам Малдовы i Букавiны. З 1992 года выкладае тэалогiю на Багаслоўскiм
факультэте унiверсiтэта г. Яссы. Поўны тытул новаабранага Патрыярха – Блаславёны
Данiiл, архiепiскап Бухарэстскi, мiтрапалiт Мунтэнскi i Дабруджыйскi, намеснiк Кессарыi
Кападакiйскай, Патрыярх Румынскi.