Imzot Rrok Mirdita shpreh gëzimin që shteti shqiptar i kushtoi vëmendjen e duhur figurës
së Nënë Terezës, e cila u përket të gjithë shqiptarëve pa dallim feje.
(14.9.2007)Kryetari i Konferencës Ipeshkvnore Katolike të Shqipërisë, Imzot
Rrok Mirdita shpreh gëzimin që shteti shqiptar i kushtoi vëmendjen e duhur figurës
së Nënë Terezës, e cila u përket të gjithë shqiptarëve pa dallim feje. Kryeipeshkvi
i Tiranë-Durrësi përgëzoi autoritetët e larta shtetërore të Shqipërisë për vlerësimin
e figurës dhe të porosisë së Lumes Nënë Terezë, e cila – tha imzot Mirdita – nuk mund
të reduktohen si një humaniste sepse e Lumja Nënë Terezë jetoi për Krishtin Zoti dhe
Atij i shërbeu me dashuri duke dashur e shërbyer më të varfërit e të menjanuarit duke
rrezatuar kudo shpirtin e përdëllimit të Zotit. Nënë Tereza na mëson e tregon
si ta pasurojmë jetën me shpirtin vëllazëror në respekt e dashuri të anasjelltë. Po
mbi cerimonin e përurimit të monumentit të Lumes Nënë Terezë në hyrje të aeroportit
ndërkombëtar të Tiranës nga autoritetet e larta shtetërore të Shqipërisë, të dëgjojmë
imzot Rrok Mirditen në mikrofonin tonë.....