Працягваецца Апостальскае Падарожжа Папы Бэнэдыкта 16 ў Аўстрыю. Сёньня трэці і апошгі
дзень візыту
У нядзелю раніцай 9-га верасьня, Сьвяцейшы Айцец адслужыў Сьвятую Імшу ў венскім Саборы
Сьвятога Сьцяпана, які быў перапоўнены. Таксама многа вернікаў стаяла перад Саборам.
У сваёй прамове да прысутных Папа гаварыў аб сьвяткаваньні апошняга дня тыдня, аб
Гасподняй Нядзелі: «Без Дару Гасподняга, без Дня Гасподняга» мы не можам жыць». Так
у 304-м годзе адказалі суддзі хрысьціяне Абітэнэ, сёньняшні Туніс, якіх схапілі ў
часе ўшанаваньня гэтага Дня, за што пагражала тады сьмяротнае пакараньне. Якое значэньне
для нас маюць гэтыя паводзіны тадышніх хрысьціян?- запытаўся Папа ды адказаў: Так,
таксама і мы цяпер маем патрэбу адносін з Богам. Маем патрэбу гэтае сустрэчы з
Богам, якая нас абьядноўвае, робіць нас свабоднымі, сустрэчы з Богам ад якога мы бярэм
пачатак і да Якога ідзём. Без Госпада і дня, які належыць да Яго, немагчыма ажыцьцявіць
удалае жыцьцё. Нядзеля, ў нашым Заходнім сьвеце,- працягваў сваё казаньне Папа- замянілася
ў дзень, які замыкае тыдзень, ў свабодны дзень. Свабодны дзень асабліва ў цяперашнім
мадэрным сьвеце- ёсьць рэччу, несумненна добраю ды патрэбнаю. Але- як заначыў Сьвяцейшы
Айцец- калі свабодны час не мае ўнутранага аднясеньня (цэнтра), ад якога выплывае
якоесьці накіраваньне цэланасьці , тады гэты свабодны час стаецца пустым, які нас
не ўзмацоўвае і не служыць адпачынку. Свабодны час патрабуе аднясеньня- сказаў Папа-
менавіта сустрэчы з Тым, Які ёсьць нашым пачаткам і нашаю мэтаю. Нядзеля для Касьцёла-
сказаў на заканчэньне сваёй прамовы Папа Ратцынгэр- ёсьць тыднёвым сьвятам стварэньня-
сьвятам удзячнасьці і радасьці за ўсё, што стварыў Бог.
Затым на плошчы
перад Саборам Сьвятога Сьцяпана Папа адгаварыў багародзічную малітву «Анёл Гасподні».
У сваім разважаньні зноў гаварыў аб значэньні нядзелі ў жыцьці хрысьціяніна.
Сёньняшняй
раніцы было для мяне вялікаю радасьцю ўшанаваць разам з вамі Дзень Гасподні ў такі
годны і ўрачысты спосаб у прыгожай Базыліцы Сьвятога Сьцяпана.