Каля гадзіны 16.30, паводле аўстрыйскага часу, Сьвяцейшы Айцец прыбыў да манастыра
айцоў Цыстэрцаў у Гэйлігенкройц, які ляжыць ў 30-ці кіламетрах ад Вены. Тут знаходзяцца
рэліквіі Сьвятога Крыжа. Сьвяцейшы Айцец памаліўся перад імі ды затым сустрэўся
з манахамі гэтага манастыра. У сваёй прамове да іх сказаў, між іншым, У жыцьці
манахаў малітва мае спэцыяльнае значэньне: зьяўляецца цэнтрам іхняга жыцьця. Аўстрыя
ёсьць багатаю ў манастыры. Вашыя старажытныя манастыры, якія маюць пачаткі ды традыцыі,
што сягаюць многіх стагоддзяў, зьяўляюцца «прэфэрэнцыйнымі» месцамі для Бога. Дарагія
манахі- зьвярнуўся Папа да іх- сьвечце яшчэ больш ў бачны спосаб гэтае першанство
для Бога. Як духоўныя оазы манастыр паказвае сёньняшняму сьвету найважнейшую рэч:
менавіта, што існуе прычына для якой варта жыць, значыць Бог і ягоная любоў.