Nënë Tereza, mbrojtja e ambientit, kujdesimi për të varfërit e nevoja e lutjes janë
temat që Papa trajtoi në audiencen e përgjithshme
(05.9.2007 RV)Nënë Tereza, mbrojtja e mjedisit, vëmendja ndaj të varfërve,
detyra e lutjes: këto janë tenmat e përkujtuara nga Papa në audiencën e sotme të përgjithshme
mbajtur paradite në Sheshin e Shën Pjetrit në Vatikan para afër 16 mijë shtegtarëve
nga mbarë bota, mes tyre edhe 1500 Misionarë e Misionare të Dashurisë, me miq e bashkëpunëtorë,
në 10 vjetorin e vdekjes së Nënë Terezës. Misionarët e Misionaret e Dashurisë qenë
të shoqëruar nga postullatori i çështjes së kanonizimit të të Lumes Nën Terezë, mons.
Brian Kolodiejçuk, i cili në fund të audiencës i dhuroi Papës librin e ri “Nënë Tereza:
eja, bëhu drita ima”, që përmban letrat personale e një pjesë të ditarit të saj privat. “Mbikëqyrja
(Kontrolli) mbi burimet hidrike e kujdesi ndaj ndryshimeve kilmaterike janë çështje
të një rëndësie të madhe për mbarë familjen njerëzore”: tha Papa, duke përshendtur
në gjuhën angleze pjesëmarrësit e Simpoziumit ndërkombëtar, mbi temën: “Arktiki, pasqyrë
e jetës”, që do të përurohet nesër në brigjet perëndimore të Grëndlàndës nga Patriku
ekumenik i Konstandinopojës, Bartolomeut I. “Të inkurajuar nga vlerësimi në rritje
i nevojës së ruajtjes së ambientit”, Benedikti XVI i ftoi liderët fetarë, shkenctarët,
gazetarët e të gjitha palët e interesuara për Simpozium të bashkohen me të “në lutje
e në punë për një respektim më të madh ndaj bukurive e mrekullive të krijuara nga
Zoti”. Në vazhdim të audiencës mendimi i Papës shkoi te Lapsi i vogël i Zotit,
te Nënë Tereza, në dhjetë vjetorin e vdekjes e duke përshendetur Misionarët e Motrat
Misionare të Dashurisë tha: “Të dashur miq”, jeta dhe dëshmia e kësaj nxënse të
vërtetë të Krishtit, përkujtimin liturgjik të cilës e kremtojmë sot, janë një thirrje
për ju e për mbarë Kishës për ti shërbyer gjithmonë besnikërisht Zotit në më të varfërit
e nevojtarët. Vjioni ta ndiqni shembullin e sah e jini kudo vegla të përdëllimit hyjnor”. Lutja
dhe vëmendje për të varfërit janë tiparet dalluese edhe të mësimit të Shën Gregorit
ipeshkëv të Nisës, që sot ishte në qendër të katekizmit të Papës në audiencën e
përgjithshme, me të cilin katekizëm Benedikti XVI e mylli ciklin kushtuar Etërve Kishtar
të Kapadocisë së shekullit të IV. “Caku i njeriu, thotë ipeshkvi i shenjtë është
të bëhët i ngjashëm me Zotin, e këtë cak ta mbërrijë sidomos përmes dashurisë, njohjes
e mishërimit të virtyteve, që janë “rreze të ndritshme që zbresin nga natyra hyjnore”,
në një lëvizje të përhershme të aderimit ndaj të mirës, në një udhëtim shpirtëror
në rritje, në të cilin “Krishti është shembull e mësues”. Krishti i pranishëm edhe
në të varfër – nënvizon Shën Gregori – të cilit ia huazojë “Jetën e vet, në mënyrë
që të “lëvizin me dhemshuri edhe ata që e kanë zemrën gurë”. Të varfërit që “kurrë
nuk duhen fyer e turpëruar”. “Me shumë qartësi Gregori përkujton se të gjithë varemi
nga Zoti, e për këte pohon: ‘Mos mendoni se çdogjë është e juaja! Duhet të jetë edhe
një pjesë për të varfërit, miqët e Hyjit”, tha Papa duke përfunduar katekizmin e audiencës
së përgjithshme. Në përshëndetjet e fundit, Benedikti XVI përmendi shtegëtimin
e tij të ardhshëm në Austrim nga data 7 deri më 9 shtator, sipas porosisë “Shikojeni
Zotin”, për të kremtuar 850 vjetorin e Shenjtërores së Zojës së Bekuar të Mariacelit. Po
Ati i Shenjtë Jozef Racinger nuk harroi t’i bëjë urimet nxënësve e studentëve për
fillimin e vitit të ri shkollor, duke porositur edhe orën e mësimit të fesë.