Rrugët e Hyjit.Shkandulli i fundit i Nënë Terezës.Flet dom Marjan Paloka, pjesa dytë
e intervistes
(31.8.2007 RV)Dëgjues
të nderuar, sikur kemi njoftuar në emisionet e këtyre ditëve, më datën 4 shtator,
natën e 10 vjetorit të kalimit të Lumes Nënë Terezës Gonxhe Bojaxhiut, do të dalë
nga shtypi libri në gjuhën angleze “Nënë Tereza: eja të jesh drita ime”. Eshtë fjala
për botimin e ditarit personal e të disa letrave private të Nënë Terezës, shkruar
atit të saj shpirtëror, në të cilat e Lumja Nënë Terezë dëfton errësinë dhe thatësinë
apo ftohësinë që ndjente shpirti saj. Një “provë” që e rreshton me mistikët e mëdhenjë
të krishterimit si Shën Gjoni i Kryqit e shumë të tjerë. Nënë Tereza, “errësirën”,
betejën e saj shpirtërore e pranoi si dhuratë e në “heshtje e zbratësi të thellë brenda
vetes, kërkoi e së fundi e gjeti Krishtin”, sikur e dëshmoi me jetë e në mënyrë të
jashtëzakonshme me vepra. Në emisionin e djeshëm ju kemi propozuar pjesën e parë të
bisedës telefonike me priftin shqiptar nga Tirana, dom Marjan Palokën mbi librin në
fjalë. Tani ta dëgjojmë pjesën e dytë dhe të fundit të bisedës së dom David Gjugjës
me dom Marjan Palokën…