Пад час Iмшы, на якой прысутнiчалi тысячы перуанцаў, што пацярпелi ад нядаўняга землятрусу,
Дзяржаўны сакратар Ватыкану, кардынал Тарчызiо Бертоне, перадаў прывiтальныя словы,
выказаў салiдарнасць i блаславенства Свяцейшага Айца Бенедыкта XVI° усiм перуанцам
i асаблiва тым, якiя пакутуюць у вынiку стыхiйнага бедства. Разам з кардыналам
Хуанам Луiсам Сiпрiанi з Лiмы, бiскупам Мiгелям Кабрехасдам, Старшынёй Бiскупскай
канфярэнцыi Перу, i Апостальскiм нунцыям, арцыбiскупам Рыно Пассiгато, кардынал Бертоне
адслужыў Святую iмшу на месцы зруйнаванага касцёла Лурэн. Храм быў знiшчаны 15 жнiўня,
у iм засталася непашкоджанай толькi знакамiтая вялiзарная выява распятага Езуса. Пад
час Богаслужбы кардынал Бертоне перадаў бiскупу Гвiдо Брэна з Iка – рэгiёна, якi найбольш
пацярпеў ад землятрусу, ахвяру ў 1 млн 300 тысяч долараў ЗША ад iмя iтальянскiх бiскупаў.
Сучасная сiтуацыя ў Перу, па ягоных словах, “вучыць усiх нас спадзявацца на Хрыста
i Ягоную Мацi – Панну Марыю”. Дзяржаўны сакратар Ватыкана выказаў свае спачуваннi
вернiкам, якiя прыймалi ўдзел у Святой iмшы, i падзякаваў усiх, што дапамагаюць людзям
у гэты складаны перыяд пакутаў. Пад час iмшы былi асаблiвым чынам прыпамянуты тыя,
што загiнулi i былi паранены.