Sejdiu i kërkon Serbisë të heqë dorë nga pretendimet mbi Kosovën
(29.08.2007 RV)Një ditë para takimit serbo-kosovar në Vjenë, presidenti i Kosovës,
Fatmir Sejdiu i kërkon Serbisë të heqë dorë nga pretendimet ndaj Kosovës. Në një intervistë
për agjensinë amerikane AP (Ësoshiejtid Pres), ai shpreh dyshime mbi arritjen e një
kompromisi ndërmjet palëve dhe sqaron se pas konfliktit të viteve 1998-99, për shqiptarët
është e papranueshme varësia nga Beogradi. Ndërkaq sot, po në Vjenë, drejtorët
politikë të 6 vendeve të Grupit të Kontaktit janë takuar me Treshen negociatore. Nesër
takimet do të zhvillohen veç e veç me delegacionin kosovar dhe atë serb.