29 жнiўня Свяцейшы Айцец спаткаўся з вернiкамi i турыстамi ў Ватыкане.
У сераду, 29 жнiўня, у залi iмя Папы Паўла VI° прайшла агульная аўдыенцыя Свяцейшага
Айца Бенедыкта XVI° з вернiкамi i турыстамi. Звяртаючыся да прысутных, Папа сказаў:
“Дарагiя браты i сёстры! Працягваючы мой цыкл разважанняў аб Настаўнiках старажытнай
Царквы, сёння мы звернем увагу на св. Рыгора Нiсскага, малодшага брата i духоўнага
паслядоўнiка св. Базыля. Атрыманная св. Рыгорам выдатная адукацыя i ягоныя здольнасцi
схiлiлi яго напачатку да адукацыйнай дзейнасцi, але потым ён аддаў перавагу аскетычнаму
тыпу жыцця i быў узведзены да бiскупскай годнасцi ў якасцi бiскупа Нiссы. Падобна
iншым Каппадакiйскiм Айцам, св. Рыгор адыграў вялiкую ролю на Канстантынопальскiм
саборы, якi акрэслiў боскасць Святога Духа. Для св. Рыгора мэтай усёй навукi i
культуры з’яўлялася вывучэнне найвысшага дабра чалавека – праўды, якая дазваляе яму
набыць сапраўднае самаўдасканаленне, што iснуе ў хрысцiянстве. У многiх катэхiтычных,
духоўных i экзэгiтычных творах св. Рыгор падкрэслiвае стварэнне чалавека па вобразу
Бога, яго паклiканне да абароны свету i адказнасць за ўзрост унутранай прыгажосцi,
якая ёсць часткай нястворанай прыгажосцi Стварыцеля. Чысцячы сэрцы i ўзрастаючы ў
святасцi, мы наблiжаемся да бачання Бога i, такiм чынам, да задавальнення самых глыбокiх
патрэбаў кожнага чалавечага сэрца”. Напрыканцы спаткання з вернiкамi Папа паблаславiў
усiх прысутных.