Dëshmia e Sekretarit të Shtetit të Vatikanit, kard. Bertone në Perù
(28.8.2007 RV)Në Perù vazhdojnë punimet e Kongresit të IX kombëtar Eukaristik,
që u hapen të shtunën e kaluar në praninë e kardinalit sekretar të Shtetit të
Vatikanit, Tarçizio Bertone, i cili në Kimboto, vendi ku po mbahet Kongresi eukaristik,
pati një pritje të përzemërt. Para se të merrte pjesë në përurimin e punimeve të Kongresit
Eukaristik në Katedralen e Kimbotos, kardinali Bertone takoi me anëtarët e konferencës
ipeshkvnore peruviane. Sikur kemi njoftuar, dëgjues të nderuar, para fillimit të
Kongresit Eukaristik, kardinali Bertone ka vizituar personalisht qytetët e shkatërruara
nga termeti i 15 gushtit të kaluar, duke sjell përshëndetjet e ndihmën e Papës Benediktit
të XVI-, siç pohon në mikrofonin e Radio Vatikanit vet Kard. Bertone. “Kam vizituar dy
qytete që janë ndër më të goditurat, Ika e Pisko. Nuk kam mundur t’i vizitojë të gjitha.
Ika është një qytet i goditur shumë nga termeti, me shumë shtëpi të shkatërruara,
me një popullsi shumë sporvuar, një popullsi që ka parë rrënimin e Kishës kryesore
të Zojës së Bekuar të Lurenit, pa viktima. Kryqi i të Kryqëzuarit, që kaq shumë nderohet
në këtë qytet, në këtë rajon, ka shpëtuar i paprekur nga termeti, si shenjë e asaj
prania që don të jenë përherë në mesin e vëllezërve kaq të sprovuar. Qytetarët u bashkuar
përreth përfaqësuesit të Papës, megjithëse në dhimbje. Un pruna përshëndetjen e përzemërt,
një ndihmë shpirtërore e ngushlluese. Jemi lutur së bashku e kemi kremtuar një kremtim
të bukur të liturgjisë së Fjalës së Zotit para Kishës së rrënuar të Zojës së Bekuar
të Lorenit. Pra, mund të them se takova një popullsi shumë dinjitoze, që këtë sprovë
të rëndë e ka ballafaquar me dinjitet. Situata vazhdon të jetë tejet e vështirë,
por ka shumë solidaritet edhe nga ana e grupeve, organizatave, shoqatave të gjitha
kishave lokale të Perusë. Solidariteti nuk vjen vetëm nga jashtë prej Evrope, Italie
e Shteteve tjera por edhe nga Peruja, nga të gjitha dioqezet e Vendit. Ky është një
fryt i bukur në këtë sprovë të tmerrshme: një shpirt i madh dashurie e solidariteti
nga të gjithë”.