10 persona arrestohen për vrasjen e ruses Politkovskaja

(27.08.2007 RV)Kthesë në hetimet për vrasjen e gazetares Ana Politkovskaja në Rusi. Janë arrestuar 10 persona të cilët dyshohen për organizimin dhe ekzekutimin e krimit. Është gjetur edhe pistoleta me të cilën ajo u vra më 7 tetorin e kaluar.

Vazhdojnë problemet e bashkësisë ndërkombëtare me Sudanin, pas denoncimit se ai po thyen embargon e armëve në Darfur. Sot drejtori rajonal i organizatës jo qeveritare “Care” është ftuar të largohet nga vendi brenda 72 orëve. Çdo refuzim do të konsiderohet shleje e ligjit të emigracionit nga ana e qytetarit amerikan, që akuzohet për ndërhyrje në punët e brendshme.