Rubrika “Me Nënë Terezën”: katër cilësitë e Misionareve të Dashurisë - emisioni XVIII
(21.8.2007 RV)Dëgjues të nderuar,
po vijojmë emisionin me rubriken e përditshme radiofonike “Me Nënë Terezën” në muajit
e lindjes e të kalimit të saj në amshim, gushte shtator. Duke vazhduar
me shfletimin e librit ‘Jeta ime’ sot në emisionin e 18 të do ndalemi tek ‘Katër
cilësi të rëndësishme’ që sipas të Lumës Nënë Terezës lypet t’i ketë çdo motër Misionare
e Dashurisë. Themeli i katër cilësive për të cilat do të dëgjojmë, është gëzimi,
gëzimi i zemrës që pasqyrohet në fytyrë të çdonjërit. E sikur dëgjuam prej fjalëve
të së Lumës Nënë Tereze në emisionin e djeshëm, gëzimi është veçaori thelbësore e
Misionareve të Dashurisë . E Nënë Tereza na tregoi burimin e gëzimit të motrave të
saj, Misionareve të Dashurisë, duke siguruar edhe të gjithë besimtarët se mund ta
shuajnë etjen tek e njëjta gurrë prej nga buron ai gëzim që personalisht Nënë Tereza
e quan: “Gëzimi i motrave të mia”. Po prej motrave të saj përveç gëzimit e buzëqeshjes,
e Lumja Nënë Terezë kërkonte edhe cilësi tjera, pa të cilat mund të vihen në shërbimin
e më të varfërve ndër të varfër e të qëndrojnë në zbatimin e Urdhërit Hyjnor të Dashurisë.
Kemi fjalën për një dashuri e përkushtim të pakursyer e të pakufizuar ndaj të
mënjanuarve, ndaj atyre që askush nuk i do e të gjithë i refuzojnë, përpos personave,
siç janë Motrat e Nënë Terezës, që të afërmit, të varfërit e të gërbulurit i shikojnë,
i afrojnë, i ndihmojnë dhe i duan e pranojnë në dritën e hirin e Jezu Krishtit Zot. Pra,
në emisionin e sotëm do të ndalemi pikërisht tek katër cilësitë që që Nënë Tereza
i këkon prej motrave të veta. Ja çka thotë ajo në librin ‘Jeta ime’…….
Të
gjitha të Motrave të rejave, që duan të bëjnë pjesë në Kongregatën tonë, u kërkojmë
të mësohen që në çastin e parë ta shndërrojnë punën në lutje, ta kryejnë punën për
Krishtin. Kjo bën që në zemrat e tyre të rritet dashuria për Jezusin dhe t’u krijohet
mundësia ta zbulojnë Zotin nën dukjen e fytyrave plot dhimbje të të varfërve më të
varfër, ashtu si e takojnë nën dukjen e bukës në Eukaristi. E reja, që dëshiron
të hyjë në Kongregatën tonë, duhet të ketë katër cilësi të nevojshme për të qenë Misionare
e bamirësisë: Duhet të jetë e shëndoshë fizikisht e mendërisht. Duhe të ketë
aftësi për të mësuar. Duhet të ketë gjykim të saktë. Duhet të ketë qëllime të
drejta. Në se i ka këto katër cilësi, mund të vijë e të shikojë si punojmë (Ashtu
si u tha Krishti apostujve të Tij: ‘Ejani e shikoni!’.) Kush dëshiron, vjen në
njerën nga shtëpitë tona e hyn në lidhje të ngushtë me të varfërit, me njerëzit, me
motrat: punon me to, lutet me to, jeton me to. Në fund bindet në se është kjo rruga
në të cilën e thërret Zoti.