Iraku në qendër të veprimtarisë diplomatike. Turqia pa president pas votimit të parë
në parlament.
(20.08.07 RV)Në Turqi u zhvillua raundi i parë i votimit për presidentin e
Republikës. Kandidati i partisë në pushtet, Abdullah Gyl nuk fitoi. Votimet e tjera
në parlament do të bëhen më 24 e 28 gusht.
Iraku në qendër të një veprimtarie
intensive diplomatike, ndërsa dhunës nuk i shpëton as guvernatori i një province irakiane,
i cili gjeti vdekjen sëbashku me tre të tjerë nga shpërthimi i një bombe në rrugë.
Vazhdon vizita e papritur e ministrit të jashtëm francez, Bernard Kushner në vend,
ndërsa kryeministri irakian Al-Maliki ndodhet në Damask për bisedime mbi sigurinë
në kufi. Sipas lajmeve të fundit edhe presidenti i Iranit dëshiron të shkojë për vizitë
në Bagdad.
Kryeministri izraelit Ehud Olmert dhe presidenti palestinez Abu
Mazen do të takohen javën e ardhshme.