Новы сумны факт неталерантнасці да хрысціянаў Кіпра.
У турэцкай частцы ўлады не дазволілі веруючым увайці ў манастыр святога Варнавы
ў Фамагусце і там маліцца. Архіепіскап Кіпра Хрізастом 2-гі паведаміў аб гэтым
чарговым недружалюбным акце праз спецыяльнае Камюніке. Яно распаўсюджанае праз пасольства
Кіпра пры горадзе-дзяржаве Ватыкан. Удакладніваецца, што цяпер манастыр пераўтвораны
ў музей. Але да нядаўняга часу праваслаўным даваўся дазвол тут маліцца, купіўшы ўваходны
білет. Аднак нядаўна турэцкая паліцыя выгнала і зганьбіла веруючых хрысціянаў. Прычым.
перад гэтым перапісала ўсе дадзеныя кожнага прысутнага. Як гаворыцца ў дакуманце,
каля 500 хрысціянскіх святынь Кіпра паступова разбураюцца. Архіепіскап Хрызастом ўдакладнівае
таксама, што, калі да прыхода турак праваслаўная грамада на поўначы вострава налічвала
15 тысяч чалавек, цяпер засталося толькі 300. Католікаў і таго мене - толькі 200 чалавек.