Славуты хор Сікстынскай капэлы, які лічыцца асабістым хорам Папы Рымскага, упершыню
ў гісторыі дасць канцэрты ў Маскве. Бенедыкт 16 паблаславіў гэты візіт.
Ад 12 па 18 верасня пройдуць канцэрты ў вялікай Залі кансерваторыі і ў Міжнародным
доме музыкі. 16 - у нядзелю - хор будзе ўдзельнічаць у святой імшы ў храме св. Людовіка.
Галоўны адміністратар капэллы сп. Марко Лаўчіані зазначыў, што адбудзецца таксама
1 закрыты канцэрт па запрашэннях. На гасцей з Ватыкана ужо чакаюць у Маскве. Магчыма
сустрэча з Патрыярхам Алексіем 2. "Свяцейшы Патрыярх даў сваё блаславенства на правядзенне
гастролей. На канцэртах будуць прысутнічаць прадстаўнікі нашай Царквы",- запэўніў
намеснік старшыні АЗЦС пратаярэй Усевалад (Чаплін). Ён падкрэсліў, што сучасны свет
мае патрэбу ў сведчанні духоўных багаццяў хрысціянскай традыцыі. "Такая традыцыя ёсць
як на Усходзе, так і на Захадзе. І сёння зварот да гэтай старажытнай творчай традыцыі,
укарэненай у нераздзеленай Царкве першых 10-ці стагоддзяў хрысціянства, можа наблізіць
нашы Цэрквы." Не выключана, што Сыкстынская харавая капэлла акрамя сваіх заходніх
песняпенняў, выканае і творы са спадчыны Усходняе Царквы. Славуты папскі хор існуе
больш за 1000 гадоў. Афіцыйна ён быў створаны пасля рэарганізацыі школы папскіх спевакоў
- у 1471 годзе пры Сыксце 4-м. Гэты Папа і зрабіў хор сваім персанальным. На працягу
стагоддзяў Сыкстынская харавая капэла лічыцца аднім з лепшых хораў у свеце. Сёння
ў яго складзе 20 дарослых і 35 хлопчыкаў. Мастацкі кіраўнік - монсіньёр Джузэпе Ліберто,
які быў прызначаны 10 гадоў таму назад Папам Янам Паўлам 2.