Выстава старыжытных мазаік з сірійскіх хавальніц адкрылася ў сталіцы гэтага віда мастацтва
- Равене ў Італіі. Тут каштоўнасці прайшлі рэстаўрацыю.
Прыгадаем, што 8 храмаў былой заходняй сталіцы і порта Вялікай Рымскай імперыі часоў
першахрысціянства занесеныя цяпер ў спіс ЮНЭСКА як агульначалавечыя каштоўнасці. У
многіх базіліках захаваліся некранутымі цудоўныя мазайкі, што надае унікальнасць багатаму
комплексу будункаў 5-8 стагоддзяў ў Равене. Спецыяльсты фонда "Равена анціка"
ужо шмат дзесяцігоддзяў падтрымліваюць у сябе ў горадзеі прымаюць на рэстаўрацыю
найпрыгажэйшыя мазаікі. Тыя 4-ры, што цяпер выстаўляныя ў царкве святога Даменіка,
маюць выявы незвычайных звяроў і датуюцца 4-5 стагоддзямі. Старажытныя саборы самой
Равены, ўпрыгожаныя цудоўнымі ўзорамі Бізантыйскай мазаікі, больш познія - гэта канец
5 - 6 стагоддзя і пазней. Найбольш славутымі з'яўляюцца мазаічныя панарамы з выявай
імператара Юсцініяна і імператрыцы Тэадоры ў храме Сан Вітале. Прыгадаем яшчэ, што
вялікі Дантэ Альг'еры менавіта тут завершыў сваю "Боскую камедыю" і тут знаходзіцца
яго магіла. Гэты горад апеў у сваіх вершах Аляксандр Блок. У верасні адрэстаўраваныя
старажытныя карціны, якія цяпер запрашаюць гледачоў на выставу "Усходнія мазаікі",
вярнуцца да ўладальніка - гэта Нацыянальны музей Дамаска.