Tension politik në Turqi: Gyl kandidat për president
(14.08.2007 RV)Tension politik
i lartë në Turqi, ku partia e kryeministrit Erdogan ka caktuar sërish si kandidat
të vetin për president, ministrin e jashtëm aktual, Abdullah Gyl. Tre muaj më parë,
kandidatura e tij pati shkaktuar një krizë institucionale, që arriti më pas në zgjedhjet
e parakohshme. Opozita, sidomos ushtarakët, deklaruan atëherë si tani, se me zgjedhjen
president të një myslimani të flaktë, kompromentohet laiciteti i shtetit. Cilat janë
skenarët që hapen para Turqisë? Në mikrofonin tonë Luço Leante, korrespondent i agjensisë
italiane ANSA në Ankara: Skenari që hapet është se në votimin e parë e të dytë,
kur duhen dy të tretat e votave, ka mundësi që Gyl të mos zgjidhet president. Mund
të zgjidhet në votimin e tretë, kur kuorumi i nevojshëm do të jetë shumica absolute.
Kjo do të hapë skenarë të frikshëm për Turqinë, pasi ushtarakët janë shprehur absolutisht
kundër zgjedhjes së Gylit në postin e presidentit, si atëherë në prill, ashtu edhe
në ditët e para të gushtit. Në Turqi, presidenti shihet si figurë garante
e laicitetit. Ushtarakët thonë se Gyl e çdo eksponent tjetër i partisë filoislamike
që vjen nga Islami politik radikal, nuk garanton laicitetin e shtetit, sepse nuk është
laik i vërtetë, është vetëm me fjalë.