(14.08.2007 RV)Sekretari i Përgjithshëm i Kombeve të Bashkuara, Ban Ki Mun
shprehu sot kënaqësinë e tij për lirimin e dy grave koreanojugore të kapura nga talebanët
në Afganistan. Shpresohet tani edhe në lirimin e 19 pengjeve të tjerë, akoma në duar
të sekuestruesve. Ndërkaq, në Kabul arriti kreu i shtetit iranian, Mahmud Ahmadinexhad,
i cili në vizitën e tij të parë në vend, u takua me presidentin Hamdi Karzai. Në përfundim
të bisedës, që kishte si objektiv zyrtar luftën kundër terrorizmit, Ahmadinexhad deklaroi
se Irani nuk furnizon me armë dhe ndihma talebanët. SHBA-të dhe Britania e Madhe e
kanë akuzuar shpesh Teheranin për këtë.
Në Pakistan dhe në Indi janë
parashikuar shumë kremtime për të përkujtuar lindjen e të dyja shteteve, pas fundit
të perandorisë britanike, në natën ndërmjet 14 dhe 15 gushtit të vitit 1947. Në të
dyja vendet janë intensifikuar kontrollet nga frika e atentateve. Gjatë kohëve të
fundit, konflikte të dhunshme kanë shpërthyer në zonën kufitare ndërmjet Pakistanit
dhe Afganistanit. Ne luftimet me talebanët dhe terroristët e Al Kaidës, kanë gjetur
vdekjen mëse 800 ushtarë pakistanezë.