Të rinjtë e Austrisë presin me padurim arritjen e Benediktit XVI.
(11.08.2007 RV)Bëhet gjithnjë më entuziaste atmosfera e pritjes të Benediktit
XVI në Austri, ku do të jetë më 7 deri më 9 shtatorin e ardhshëm. Vizita e parë e
Papës në Austri do të arrijë kulmin me Meshën në Shenjtëroren e Mariacelit, me rastin
e 850-vjetorit të bekimit dhe vendosjes së gurit të parë.Ndërkaq, si shprehje e këtij
entuziazmi në rritje, nesër, me ftesën e ipeshkvijve austriakë, do të fillojë shtegtimi
ndërkombëtar i të rinjve në Shenjtëroren mariane, që do të përfundojë në solemnitetin
e ‘Të ngjiturit të Zojës në qiell’. E kjo do të thotë se edhe në Austri, ashtu si
në vendet e tjera ku ka shtegtuar Papa, të rinjtë do të kenë një rol të veçantë, nësa
rinia italiane e pret me të njëjtin padurim Benediktin XVI në Loreto, më 1 e 2 shtatorin
e ardhshëm.