Ngushëllimet e Papës për aksidentin ajror në Polinezinë franceze.
(11.08.2007 RV)Papa shprehu ngushëllimet tij për viktimat e aksidentit ajror
të së enjtes së kaluar në Polinezinë franceze. Një Avion i Air Moorea, i nisur nga
aeroporti Temae drejt Papeete, në Taiti, ishulli më i madh i Polinezisë franceze,
ra në det pak para se të arrinte në cak, për shkaqe ende të panjohura. Fluturonte
me 20 udhëtarë. Deri tani janë gjetur trupat e 16-tëve prej tyre.Në telegramin e ngushëllimit,
nënshkruar në emër të Papës nga sekretari i Shtetit të Vatikanit, kardinali Tarçizio
Bertone, drejtuar kryeipeshkvit të Papeete, imzot Hubert Kopenrat, Benedikti XVI thekson
se e ndjen veten pranë të gjithë njerëzve të prekur nga kjo fatkeqësi dhe siguron
se lutet për të vdekurit e për familjarët e tyre.