Xhirga në Afganistan pa ndikim në terren

(09.08.2007 RV)U hap sot në Kabul të Afganistanit, Xhirga, apo kuvendi i pleqve për paqen, një asamble në të cilën bëjnë pjesë rreth 700 përfaqësues fisnorë. Në mbledhje bëjnë pjesë edhe autoritete fetare të Afganistanit dhe të zonës kufitare të Pakistanit. Nuk merr pjesë presidenti pakistanez, Pervez Musharraf, i cili sot u mblodh në kryeqytet me ministrat e qeverisë së vet, për të shpallur emergjencën në një shtet, ku situata e sigurisë bëhet gjithnjë e më e rrezikshme. Për momentin, qeveria vendosi të mos e ndërmarrë këtë hap. Xhirga e mbledhur sot ka për qëllim vendosjen e strategjisë për luftën kundër talebanëve dhe terroristëve të Al Kaidës. Por ky kuvend mund të vendosë diçka vetëm në letër. Ajo që ndodh në realitet është gjithmonë diçka tjetër.