Kardinal Turan: bilanci i luftës në Irak është negativ
(06.08.2007 RV)Ditë e përgjakshme në Irak. Një seri atentatesh ka shkaktuar
vdekjen e mëse 30 vetave, ndërsa vetëm gjatë 24 orëve të fundit janë gjetur 80 trupa
pa jetë. Në Bagdad janë mbledhur sot ekspertë amerikanë, irakianë dhe iranianë për
të diskutuar mbi problemet e sigurisë. Në tryezën e bisedimeve krijimi i një komiteti
tripalësh dhe mjetet për të luftuar terrorizmin e për të përforcuar kufirin e vendit. Ndërkaq,
vetëm pak javë para shtatorit, në të cilin duhet të bëhet publik raporti mbi rezultat
e arritura nga Uashingtoni me strategjine e re, më agresive në Irak, administrata
amerikane nuk është në gjendje të verifikojë se ku kanë shkuar mëse gjysma e armëve
të lehta, rreth 54%, dhënë forcave irakiane për të luftuar terrorizmin. Denoncimi
është i Zyrës së Kongresit që kontrollon veprimtarinë e qeverisë dhe mban datën 31
korrik. Nga ana tjetër, kardinali Luis Turan, president i Këshillit Papnor për
dialogun ndërfetar, në një intervistë për revistën italiane “30 Ditë”, që do të botohet
të enjten, deklaron se bilanci i luftës angloamerikane në Irak është negativ. Të krishterët
janë më të persekutuar se më parë e vendi po zhytet në luftën civile. Në kohën kur
ishte “ministër i jashtëm i Vatikanit”, kardinali Tauran ka qenë vendosmërisht kundër
luftës në Irak.