(03.08.2007 RV)Pasi paralajmëroi se gjatë gushtit do të ketë ndërprerje të
shumta të energjisë elektrike, qeveria shqiptare njoftoi edhe se do të rritë çmimin
e bukës. E kjo do të thotë më pak dritë e më pak bukë. Ç’do t’u pakësohet akoma shqiptarëve,
që jetojnë me të ardhura të pamjaftueshme për të plotësuar kërkesat më fillestare
të jetesës? Me të drejtë rritja e çmimit të bukës u kundërshtua nga Zyra për Mbrojtjen
e Konsumatorëve, që theksoi se viktimë e kësaj situate është pikërisht populli.