(02.08.2007 RV)Si çdo vit, u kremtua edhe sivjet solemniteti i Ndjesës së Asizit.
Nga mesdita e djeshme deri në mesnatën e 2 gushtit, mund të fitohet ndjesa e plotë
e Porciunkolës. Festa e merr emrin nga kishëza, që ndodhet në Asizi të Italisë, ku
Shën Françesku më 1216 iu lut Zotit t'ua falë të gjitha fajet e mëkatet besimtarëve
që do ta vizitonin kishëzën më 1 e 2 gusht, të penduar e të rrëfyer. Për ta fituar
këtë ndjesë, mund të vizitohet Kisha françeskane më e afërt, ose kisha e caktuar për
këtë kremtim, që i siguron besimtarit të penduar fillimin e një jetet të re, jetës
së Zotit tonë Jezu Krishtit në jetën tonë. Kanë kaluar qindra vjet që nga koha kur
Ndjesa e Porciunkolës u kremtua për herë të parë, por festa vijon të jetohet me pëshpirtëri
të thellë, sepse vlera e mëshirës hyjnore është e amshuar.